Ստորգետնյա ցնցումները գրանցվել են ժամը 11:01 UTC-ին (ՀՀ ժամանակով 15:01-ին) Մանդալայից 16 կիլոմետր հարավ-արևմուտք, որի բնակչությունը կազմում է ավելի քան 1,2 միլիոն մարդ: 

Երկրաշարժի էպիկենտրոնը գտնվել է 35 կիլոմետր խորության վրա։

Հնարավոր զոհերի կամ տուժածների մասին տեղեկություններ առայժմ չկան:

Մարտի 28-ին Մյանմարում 7,7 մագնիտուդ ուժգնությամբ երկրաշարժ է տեղի ունեցել, որի էպիկենտրոնը եղել է երկրի մեծությամբ երկրորդ քաղաք Մանդալայից արևմուտք: Ցնցումները զգացվել են նաև Թաիլանդում և Չինաստանում։

Թաիլանդի մայրաքաղաք Բանգկոկում 17 մարդ է զոհվել, ավելի քան 30-ը՝ վիրավորվել։ Եվս 83 մարդ անհետ կորած է համարվում։

Մյանմարում տեղի ունեցած երկրաշարժի զոհերի թիվը հասել է 2719-ի, տուժել է առնվազն 4521 մարդ, 400-ը՝ անհետ կորել։