Այսօր լրանում է Հայաստանի Հանրապետության զինված ուժերի կազմավորման 34 տարին։ 1992 թվականի հունվարի 28-ին ձևավորված Հայոց բանակը դարձավ անկախ պետականության հիմնասյուներից մեկը՝ ստանձնելով երկրի անվտանգության և սահմանների պաշտպանության կարևորագույն առաքելությունը։
34 տարվա ընթացքում բանակը անցել է կայացման բարդ ճանապարհ՝ հաղթահարելով պատերազմներ, մարտահրավերներ և համակարգային վերափոխումներ։ Տարբեր ժամանակահատվածներում այն հանդես է եկել ոչ միայն որպես ռազմական կառույց, այլև որպես ազգային ինքնության, պատասխանատվության և դիմակայության խորհրդանիշ։
Այսօր Հայոց բանակը կանգնած է նոր իրողությունների առջև՝ տեխնոլոգիական զարգացումներ, տարածաշրջանային փոփոխություններ և պաշտպանական համակարգի արդիականացման անհրաժեշտություն։ Զինված ուժերի արդյունավետությունը շարունակաբար կախված է ոչ միայն սպառազինությունից, այլև մարդկային գործոնից՝ զինվորից, սպայից, հրամանատարից։
Բանակի օրը նաև հիշատակի և գնահատանքի օր է․ հարգանքի տուրք է մատուցվում հայրենիքի պաշտպանության համար կյանքը զոհաբերած զինծառայողներին, ինչպես նաև շնորհակալություն է հայտնում բոլոր նրանց, ովքեր այսօր ծառայում են հայրենիքին՝ խաղաղության և անվտանգության պահպանման համար։
Հայոց բանակի 34-ամյակը ևս մեկ առիթ է վերանայելու անցած ճանապարհը, արձանագրելու խնդիրներն ու ձևակերպելու ապագայի առաջնահերթությունները՝ հանուն ուժեղ, ժամանակակից և վստահելի պաշտպանական համակարգի
95.jpg&w=178)
94.jpg&w=178)
479.jpg&w=178)
504.jpg&w=178)
577.jpg&w=178)
637.jpg&w=178)
636.jpg&w=178)
1479.jpg&w=178)
768.jpg&w=178)
933.jpg&w=178)
1046.jpg&w=178)
1239.jpg&w=178)
.png&w=178)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)