Միացյալ Նահանգների նախագահ Դոնալդ Թրամփը Կոնգրեսին ուղղված պաշտոնական նամակում վերահաստատել է, որ Իրանից բխող սպառնալիքը ԱՄՆ-ի և նրա զինված ուժերի համար շարունակում է մնալ նշանակալի։ Երկրի ղեկավարի փոխանցմամբ՝ ստեղծված հակամարտությունը դեռևս հեռու է ավարտված լինելուց, ինչը թելադրում է ամերիկյան ստորաբաժանումների ներկայության անհրաժեշտությունը տարածաշրջանում։

Նամակում նշվում է, որ Պաշտպանության նախարարությունը շարունակում է ուժերի դասավորության ճշգրտումը պատասխանատվության գոտում գտնվող առանձին երկրներում։ Այս քայլերն ուղղված են Իրանից և նրա պրոքսի ուժերից բխող հնարավոր հարձակումներին հակազդելուն, ինչպես նաև ԱՄՆ-ի, նրա դաշնակիցների և գործընկերների անվտանգության ապահովմանը։ Ըստ Վաշինգտոնի՝ ռազմական ներկայության փոփոխությունները կիրականացվեն ըստ անհրաժեշտության և նպատակահարմարության։