Shabat.news-ի տեղեկություններով, մարտի 31-ին կախվելու միջոցով ինքնասպանություն է գործել Հրազդանում հայտնի հրուշակագործ, «Միլի տորթեր»-ի հիմնադիր 40-ամյա Սյուզաննա Պողոսյանը։

Լուրը հաստատեցին Ներքին գործերի նախարարությունից։

Կնոջ մտերիմներից մեկը Shabat.news-ի հետ զույցում պատմեց, որ Սյուզաննան դրական ու լուսավոր մարդ էր․

«Հրուշակագործ էր, երկար տարիներ զբաղվում էր տոնական տորթերի պատրաստմամբ: Ամուսնացած էր, ունի երկու երեխա։ Շատ ենք ափսոսում կատարվածի համար, չգիտենք, թե ինչու է նման քայլի դիմել»։

Սյուզաննա Պողոսյանի ֆեյսբուքյան էջը ողողված է ափսոսանքի ու ցավակցական խոսքերով։

«Դու մեր քաղաքի զարդն էիր, բայց քաղաքը չգնահատեց քեզ։ Դու մեզ պարտք մնացիր քո ժպիտը, սերն ու ներկայությունը․․․»,- գրել է մտերմներից մեկը։

Երիտասարդ կնոջ հուղարկավորությունը տեղի կունեն այսօր՝ ապրիլի 2֊ին Հրազդանի Միկրոշրջան թաղամասի սգո սրահում: