Կարևոր իրադարձություններ

Վանաձորում հայտնաբերվել են ապօրինի զենք և զինամթերք

02 Ապրիլ, 2025 21:15
Վանաձորում հայտնաբերվել են ապօրինի զենք և զինամթերք

Քրեական ոստիկանության Լոռու մարզային վարչությունում ապրիլի 1-ին օպերատիվ տեղեկություններ էին ստացվել, որ Վանաձոր քաղաքի Շինարարների փողոցի բնակիչներից մեկի տանն ապօրինի պահվում է զենք-զինամթերք:

ՆԳՆ ոստիկանության փոխանցմամբ՝ տեղեկությունը ստուգելու նպատակով նշված հասցե օպերատիվ խումբ է մեկնել:

Բացատրական աշխատանքի արդյունքում 77-ամյա տանտիրուհին ննջասենյակի պահարանից ներկայացրել է տարբեր տրամաչափի 27 փամփուշտ, սվին-դանակ, գնդացիրի էլեկտրական նշանոց, ինքնաձիգի պահեստատուփեր, զինվորական հեռադիտակ, ինքնաձիգի սվին-դանակ, փամփուշտների համար նախատեսված շղթաներ, պայթուցիկ սարքեր, ինքնաձիգի լազերային նշանոց՝ դետալներով, զինվորական ռադիոհեռախոսներ՝ լիցքավորիչներով և ալեհավաքներով, ինքնաձիգի փամփուշտատուփ լիցքավորելու համար նախատեսված երկաթյա 23 դետալ, զրահաբաճկոն:

Կազմված փաստաթղթերը և զենք-զինամթերքը ներկայացվել են վարույթն իրականացնող մարմին:

Լրահոս

Դիտել ավելին