ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը ֆեյսբուքան իր էջում անդրադարձել է հայկական «Գելափ»-ի՝ ընտրություններից առաջ արված հարցումներին:
«Գելափի՝ Գյումրու ընտրություններին ընդառաջ զառանցանքը արտատպած լրատվականներից մեկն եղա՞վ, որ ընտրություններից հետո գնա, հետաքրքրվի՝ ասի, այ հարգելի Գելափ, էդ ո՞նց էր ստացվել, որ ՔՊ-ի մասով հերթական անգամ 15%-ից ավել շեղում էիր տվել։
Ամենայն լրջությամբ ասում եմ՝ ընտրությունների հետ կապված հորոսկոպը, երազահանը, ինչու չէ կամայական բաժակ նայողն ավելի վստահելի են, քան հայկական Գելափը։
Ու սա արդեն այնքան անգամ է ապացուցվել, որ ամոթ էլ է օրինակներ բերելը, ու բայց մեկ էլ կտեսնես ընտրություններից առաջ լրատվականները լուրջ դեմքեր ընդունած հերիք չի տպում են Գելափի հերթական ցնդաբանությունը, դեռ մի բան էլ գալիս ու թե բա,- «Այ հարցումների համաձայն ձեր վարկանիշը..., ինչպե՞ս կմեկնաբանեք»։
Կամ օրինակ մեկը մի օր պիտի՞ այդ զառանցանքներն արտատպող լրատվականներին հարց տա, թե օրինակ ինչու՞ և կամ ինչի՞ դիմաց են ամեն անգամ արտատպում ակնհայտ կեղծ ու ինչ-որ մեկի գրպանից հանած(բազմակի իմաստով) դիագրամները դնում իրենց էջերում»,- գրել է Ալեքսանյանը:
22.jpg&w=178)
37.jpg&w=180)
60.jpg&w=180)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)