Եվրոպական միության առաջնորդները համաձայնության են եկել առաջիկա երկու տարիների ընթացքում Ուկրաինային տրամադրել 90 միլիարդ եվրոյի վարկ։ Այս մասին հայտնում է Financial Times-ը՝ հղում անելով Բրյուսելում կայացած ԵՄ գագաթնաժողովի արդյունքներին։

 

Նշվում է, որ վարկը կտրամադրվի ԵՄ ընդհանուր բյուջեի չօգտագործված միջոցների հաշվին և չի կապվի Եվրոպայում արգելափակված ռուսական ակտիվների հետ։

 

Գագաթնաժողովի մասնակիցների համաձայն՝ Ուկրաինան պարտավորվելու է մարել վարկը այն դեպքում, երբ Ռուսաստանը վճարի փոխհատուցումներ։ Ըստ աղբյուրի՝ որոշումը նպատակ ունի ապահովել Կիևի ֆինանսական կայունությունը և շարունակական աջակցությունը ԵՄ-ի կողմից։