Ֆրանսիայի Արևելյան Պիրենեյներ դեպարտամենտում բռնկված անտառային խոշոր հրդեհը վերահսկողությունից դուրս է եկել՝ ընդգրկելով շուրջ 1,5 հազար հեկտար տարածք։ Դեպարտամենտի պրեֆեկտ Պիեռ Ռենոն հայտնել է, որ կրակի գոտու երկարությունը հասել է 18 կիլոմետրի։ Չնայած 700 հրշեջների, 200 մեքենաների և 9 ավիացիոն միջոցների ներգրավմանը, ուժեղ քամին ու տեղանքի դժվարամատչելիությունը թույլ չեն տալիս զսպել աղետը։ Իշխանությունները քննարկում են անվտանգության նկատառումներից ելնելով հեղինակավոր «Տուր դը Ֆրանս» հեծանվավազքի փուլերից մեկի չեղարկման հարցը։