UFC ղեկավար Դանա Ուայթը պաշտոնապես ազդարարել է լեգենդար իռլանդացի մարտիկ Քոնոր Մաքգրեգորի վերադարձը օկտագոն։ Նա հուլիսի 11-ին Լաս Վեգասի «T-Mobile» արենայում կայանալիք UFC 329 մրցաշարի շրջանակում ուժերը կչափի Մաքս Հոլոուեյի հետ։ Մենամարտը նախատեսված է կիսամիջին քաշային կարգում (մինչև 77 կգ), ինչը Հոլոուեյի համար դեբյուտային կլինի այս դիվիզիոնում։ Սա մարտիկների երկրորդ հանդիպումն է. առաջին անգամ՝ 2013 թվականին, հաղթել էր Մաքգրեգորը։