Եվրամիությունում դիտարկում են Ռուսաստանի դեմ սահմանված պատժամիջոցների երկարաձգման պարբերականությունը ներկայիս վեց ամսվա փոխարեն տարին մեկ անգամ սահմանելու հնարավորությունը։ Ինչպես հայտնում է «Politico» պարբերականը՝ հղում անելով եվրոպացի բարձրաստիճան պաշտոնյաներին, այս փոփոխությունը նպատակ ունի պարզեցնել և ավելի էֆեկտիվ դարձնել որոշումների կայացման ներքին գործընթացը ԵՄ կառույցներում։ Նախագծի պաշտոնական քննարկումը նախատեսված է հաջորդ ամսվա կեսերին Բրյուսելում կայանալիք Եվրամիության գագաթնաժողովի շրջանակներում։