Ռուսաստանի փոխվարչապետ Ալեքսեյ Օվերչուկը հայտարարել է, որ ոչ մի կողմ չի ցանկանում Եվրասիական տնտեսական միությունից (ԵԱՏՄ) Հայաստանի դուրս գալը, սակայն ստեղծված իրավիճակը որակել է որպես «արտասովոր և տարօրինակ»։ ՌԴ բարձրաստիճան պաշտոնյան ընդգծել է Մոսկվայի պատրաստակամությունը՝ տեսնելու Հայաստանը կառույցի կազմում, ինչպես նաև փաստել, որ հենց Երևանի ղեկավարությունն էլ պաշտոնական մակարդակով վերահաստատում է միությունում մնալու իր մտադրությունը։