Ֆրանսիայի նախագահ Էմանուել Մակրոնը մտադիր է դառնալ Եվրոպայի ներկայացուցիչը ՌԴ նախագահ Վլադիմիր Պուտինի հետ Ուկրաինայում խաղաղություն կնքելու շուրջ բանակցություններում, հայտնում է The Telegraph-ը՝ հղում անելով Ելիսեյան պալատի աղբյուրին։

Պարբերականի տեղեկատվության համաձայն, Մակրոնին նման քայլի է մղել «կամավորների կոալիցիան»՝ նշելով, որ նա նախկինում սերտ կապ է ունեցել Պուտինի հետ։

Ինչ վերաբերում է Ֆրանսիայի նախագահին, ապա նա պատրաստակամություն է հայտնել ստանձնել ղեկավար դերը «երբ ժամանակը գա»։ Ընդ որում, ըստ աղբյուրի, հարմար ժամանակը դեռ չի եկել, նշում է բրիտանական պարբերականը։

The Telegraph-ի հաղորդմամբ, Մեծ Բրիտանիայի վարչապետ Քիր Սթարմերը մտադիր չէ բանակցել Ռուսաստանի հետ։

Ֆինլանդիայի նախագահ Ալեքսանդր Սթուբը հայտարարել էր, որ Բրիտանիան և Ֆրանսիան պետք է առաջատար դեր ստանձնեն Պուտինի հետ ցանկացած բանակցություններում։ «Անձամբ ես կնախընտրեի, որ դա անեին «կամավորների կոալիցիայի» մեր ներկայացուցիչները։ Այլ կերպ ասած՝ Ֆրանսիան կամ Մեծ Բրիտանիան»,- Ֆինլանդիայի նախագահի խոսքն է մեջբերում բրիտանական լրատվամիջոցը։