Իրանում բողոքի ցույցերի ընթացքում սպանվել է առնվազն 200 դպրոցական։ Այդ մասին հաղորդում է Iran International-ը՝ հղում անելով Իրանի ուսուցիչների միության հրապարակած փաստաթղթերին։

Ուսուցիչների միությունը հրապարակել է զոհված դպրոցականների անունների ամբողջական ցանկը՝ նշելով, որ այն «պարզ և սարսափելի իրականության՝ ապագան սպանող համակարգի» մշտական հիշեցում է։ Միությունը կոչ է արել պատասխանատվության ենթարկել տեղի ունեցածի համար մեղավորներին և ապահովել արդար քննություն։