Հայաստանում Թուրինի Յուվենտուսի ֆուտբոլային ակադեմիան կբացի իր դռները այս տարվա օգոստոսին։ Այս մասին հայտնում է Juventus Academy Armeniaի մամուլի ծառայությունը։

Կառույցի տարածած հայտարարության համաձայն՝ ակադեմիայի ստեղծման ուղղությամբ իրականացվել է երկար և պատասխանատու աշխատանք՝ ապահովելու միջազգային բարձր չափանիշներին համապատասխան միջավայր և բարձրակարգ ֆուտբոլային կրթություն։ Մոտ ապագայում նախատեսվում է նաև մամուլի ասուլիս, որտեղ կներկայացվեն մանրամասները։

Հիշեցնենք, որ ակադեմիան ունենալու է երկու տեղակայում՝ Երևանի Ավան վարչական շրջանում (Աճառյան 20/4) և Ծիծեռնակաբերդի խճուղի 2/3 հասցեում՝ Հրազդան մարզադաշտի հարևանությամբ։

Ավելի վաղ հաղորդվել էր նաև, որ կկառուցվի բարձրակարգ հյուրանոց՝ իր ֆուտբոլային ենթակառուցվածքներով, որը կլինի առաջինը Երևանում։