305.jpg)
Հունգարիայի զինվորականները կտեղակայվեն առանցքային էներգաօբյեկտների մոտ՝ Ուկրաինայից պաշտպանվելու նպատակով: Այս մասին հայտարարել է վարչապետ Վիկտոր Օրբանը, հայտնում է ՌԻԱ նովոստի-ն:
«Հարձակումները կանխելու համար անհրաժեշտ զինծառայողներն ու տեխնիկան կտեղակայվեն կարևորագույն էներգետիկ օբյեկտների մոտ։ Ոստիկանությունը հավելյալ ուժերով կիրականացնի պարեկություն էլեկտրակայանների, բաշխիչ կայանների և կառավարման կենտրոնների հարակից տարածքներում»,- ասել է նա Facebook-ում հրապարակված տեսաուղերձում։
Վարչապետը հավելել է, որ Ուկրաինայի հետ սահմանակից շրջանում կարգելվեն անօդաչու թռչող սարքերի թռիչքները։ Կուժեղացվի նաև էներգետիկ ենթակառուցվածքների պահպանությունը։
Հիշեցնենք, որ Հունգարիան Սլովակիայի հետ միասին հունվարի 27-ին զրկվել էր «Դրուժբա» խողովակաշարով նավթի մատակարարումներից՝ Ուկրաինայի կողմից տարանցման դադարեցման պատճառով։
Երկուշաբթի օրը Բուդապեշտը նավթամուղի հետ կապված իրավիճակի պատճառով արգելափակել է հակառուսական պատժամիջոցների հերթական փաթեթը և Կիևին տրամադրվող ԵՄ 90 միլիարդ եվրոյի վարկը։ Բրատիսլավան իր հերթին հայտարարել է Ուկրաինային էլեկտրաէներգիայի վթարային մատակարարումների դադարեցման մասին։
Ինչպես նշել է Հունգարիայի ԱԳ նախարար Պետեր Սիյարտոն, Կիևը դադարեցրել է տարանցումը մտացածին քաղաքական պատճառներով, քանի որ դրա համար տեխնիկական հիմքեր չկան։
305.jpg&w=178)
316.jpg&w=178)
325.jpg&w=178)
334.jpg&w=178)
166.jpg&w=178)
35.jpg&w=178)
191.jpg&w=178)
36.jpg&w=178)
40.jpg&w=178)
203.jpg&w=178)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)