ԱՄՆ նախագահ Դոնալդ Թրամփը հայտարարել է, որ Իրանի հետ ընթացող բանակցությունները կրում են կառուցողական և կանոնակարգված բնույթ։ Միևնույն ժամանակ, Սպիտակ տան ղեկավարը շեշտել է, որ հրահանգել է ամերիկացի բանակցողներին չշտապել վերջնական համաձայնության հասնելու հարցում։ Ըստ Թրամփի՝ Վաշինգտոնն այս գործընթացում ունի ռազմավարական առավելություն, և ժամանակային գործոնն աշխատում է բացառապես Միացյալ Նահանգների օգտին։