Մեկնարկել է Գյումրու միջազգային թատերական փառատոնը (լուսանկարներ)
19 Մայիս, 2024 16:43
ՀՀ ԿԳՄՍ նախարարության աջակցությամբ Գյումրու դրամատիկական թատրոնում մեկնարկել է Գյումրու միջազգային թատերական փառատոնը։
Ինչպես հայտնում են նախարարությունից, այն մեկնարկել է Երևանի պետական կամերային թատրոնի «Fe-Show»՝ «Ֆերում շոու» ներկայացումով (բեմադրությունը՝ Սենիկ Բարսեղյան), որին հետևել է նաև ԿԳՄՍ նախարարի տեղակալ Դանիել Դանիելյանը։
«Գյումրու միջազգային թատերական փառատոն»-ի շրջանակում հայ հանդիսատեսին կներկայացվեն հայաստանյան և միջազգային թատրոնների և թատերախմբերի 22 ներկայացումներ:
Փառատոնային ներկայացումները տեղի են ունենում Գյումրու պետական դրամատիկական թատրոնի մեծ և փոքր դահլիճներում, Գյումրու մտորումների թատրոնում: