Ռուսաստանի նախագահը և Իսրայելի վարչապետը հեռախոսազրույց են ունեցել: Կրեմլի տվյալով՝ Վլադիմիր Պուտինը և Բենիամին Նեթանյահուն քննարկել են Մերձավոր Արևելքում լարված իրավիճակը։
«Ռուսական կողմը վերահաստատել է անսասան դիրքորոշումը՝ տարածաշրջանում առկա խնդիրները և հակամարտությունները բացառապես խաղաղ ճանապարհով կարգավորելու օգտին»,- ասված է մամուլի հաղորդագրության մեջ։
Վլադիմիր Պուտինն ընդգծել է Սիրիայի միասնության, ինքնիշխանության և տարածքային ամբողջականության պահպանման, արաբական հանրապետության ներքաղաքական կայունության ամրապնդման կարևորությունը: Կրեմլի ղեկավարի խոսքով՝ երկրի էթնիկ և կրոնական խմբերի իրավունքները և շահերը պետք է հաշվի առնվեն։
«Իրանա-իսրայելական հակամարտության վերջին էսկալացիայի ֆոնին ռուսական կողմը պատրաստակամություն է հայտնել նպաստելու միջուկային ծրագրի շուրջ բանակցային գործընթացներին»,- հավելել են Մոսկվայից:
Երկու երկրի ղեկավարները համաձայնել են շարունակել երկխոսությունը միջազգային և երկկողմ օրակարգի հարցերի շուրջ։
.jpg&w=178)
ՀայաստանումենկանադահայձեռնարկատերբիզնեսխորհրդատուՔրիստոֆերԴեդեյանըևմարզիկՄեթյուԴուբրիքը։-YouTube-GoogleChrome7_26_20252_48_00PM.png&w=178)
ԱշխարհահռչակկարատեիստԱրթուրվհաննիսյանըպարգևատրվելէՀԱՕԿ-իմեդալով-YouTube-GoogleChrome7_22_20251_36_02PM.png&w=178)
.jpg&w=170)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)