Ապրիլյան քառօրյա պատերազմի հերոս, սերժանտ Ադամ Սահակյանի մայրը՝ Գայանե Անտոնյանը ֆեյսբուքյան իր էջում տեղադրել է որդու լուսանկարը և կից գրել․ «9 տարի առաջ այս օրը վերջին անգամ լսեցի քո ձայնը․․․ իմ անկրկնելի»։ 

Հիշեցնենք, որ այսօր լրանում է ապրիլյան քառօրյա պատերազմի 9-րդ տարելիցը։

2016 թվականի ապրիլի 1-ի լույս 2-ի գիշերը ադրբեջանական կողմն Արցախի Հանրապետության նկատմամբ սկսել է լայնածավալ հարձակողական գործողություններ: Արցախա-ադրբեջանական շփման գծի ողջ երկայնքով լայնամասշտաբ ռազմական գործողություններ են ընթացել Արցախի Հանրապետության Պաշտպանության բանակի և Ադրբեջանի Հանրապետության զինված ուժերի միջև: Առավել թեժ մարտեր են ընթացել արցախա-ադրբեջանական շփման գծի հարավային (Հադրութ) և հյուսիսարևելյան (Մարտակերտ) ուղղություններում։

Մարտերի հետևանքով հայկական կողմը ունեցել է ավելի քան 100 զոհ և կորցրել է մոտ 800 հա տարածք: