Արդեն մի քանի օր է հանրությունը սպասում է «Մեր քաղաքը» դաշինքը գլխավորող Մարտուն Գրիգորյանի հայտարարությանը, թե արդյո՞ք վերջինս միանալու է Գյումրիի քաղաքապետի թեկնածու Վարդան Ղուկասյանին, որը ընտություններից հետո ֆեյսբուքյան գրառմամբ դիմել էր Գրիգորյանին՝ իրեն աջակցելու հարցում նրանից հստակություն ակնկալելով:

Նշենք, որ Մարտուն Գրիգորյանի գլխավորած «Մեր քաղաքը» դաշինքի կազմում են Արթուր Վանեցյանի «Հայրենիք» և Երվանդ Թարվերդյանի «Միացյալ Հայաստան» կուսակցությունները։
Shabat.news-ը կապ հաստատեց Արթուր Վանեցյանի հետ, հետաքրքրվելու, թե ի վերջո ե՞րբ է Մարտուն Գրիգորյանը հանդես գալու հայտարարությամբ, սակայն վերջինս սկզբում համաձայնվեց, այնուհետև հարցը լսելուց հետո հրաժարվեց պատասխանել․

«Ես հեռախոսով հարցազրույց չեմ տալիս»,- և անջատեց հեռախոսը։

Հիշեցնենք, Գյումրիի արտահերթ ընտրություններից հետո Մարտուն Գրիգորյանը դեռ չի հայտնել՝ ում է աջակցելու և ինչպես է վարվելու։ Միայն մարտի 31-ին՝ օրվա վերջում ֆեյսբուքյան էջում  հակիրճ գրառում էր արել, որ վերահաստատում է` ՔՊ-ն Գյումրիում քաղաքապետ չի ունենալու: