Ադրբեջանական ԶՈՒ-երի կողմից մարտի 30-ի լույս 31-ի գիշերը Խնածախի ուղղությամբ կրակոցներ արձակելու դեպքի վերաբերյալ քննություն է իրականացվում։

ՀՀ ՔԿ մամուլի քարտուղար Կիմա Ավդալյանը «Փաստինֆո»-ի հետ զրույցում հայտնեց, որ դեպքի առթիվ նախաձեռնվել է քրեական վարույթ՝ Քրեական օրենսգրքի 44-155-րդ 2-րդ մասի 7-րդ եւ 15-րդ կետերով (ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով՝  այլ անձանց կյանքի համար վտանգավոր եղանակով սպանության փորձի ) և 335-րդ հոդվածի 1-ին (ապօրինի հրազեն պահելը) մասով:

 «Նշանակվել են  դատաձգաբանական և դատաապրանքագիտական փորձաքննություններ»,- նշեց Ավդալյանը։