Ամերիկացի հետազոտողներն ապացուցել են, որ եղանակը կարող է ազդել մարդու աշխատունակության վրա, տեղեկացնում է Informing-ը:

Գիտնականներն ուսումնասիրություններ են անցկացրել ճապոնական մի քանի ֆինանսական ընկերություններում: Ընտրությունը պատահական չի եղել. հենց Ճապոնիայում են առավել մանրամասն ուշադրություն դարձնում աշխատանքի արդյունավետության վրա:

Ուսումնասիրությունները պարզել են, որ վատ եղանակին մարդիկ ավելի քիչ սխալներ են թույլ տալիս, ինչպես նաև կարողանում են ավելի մեծ ծավալի աշխատանք կատարել: Իսկ ահա երբ դրսում տաք, արևային եղանակ է, մարդկանց աշխատունակությունը նվազում է:

Հետազոտության հեղինակներն այդ երևույթին շատ պարզ բացատրություն են տալիս. դրսում արև տեսնելով՝ մարդիկ սկսում են մտածել, թե որտեղ կարող են անցկացնել իրենց արձակուրդը և շեղվում են աշխատանքային գործընթացից: