Ընդդիմության մի քանի հազար համակիրներ, շարքային քաղաքացիներ և քաղաքացիական ակտիվիստներ Թբիլիսիում հակակառավարական ցույց են անցկացնում խորհրդարանի շենքի մոտ։ Այս մասին դեպքի վայրից հայտնում է ՏԱՍՍ-ի թղթակիցը։

Վրաստանի նախկին նախագահ Սալոմե Զուրաբիշվիլին արդեն դիմել է հավաքվածներին՝ հերթական անգամ իշխանություններին կոչ անելով խորհրդարանական նոր  ընտրություններ նշանակել։

Նա նաև ցուցարարներին ասել է, որ նրանք պետք է շարունակեն պայքարը կառավարության դեմ։

Բացի այդ, Զուրաբիշվիլին ևս մեկ անգամ հայտարարել է, որ Վրաստանի ներկայիս իշխանությունն իբր ռուսամետ է, և այդ պատճառով նա պետք է հրաժարական տա։

Ռուսթավելի պողոտան, որտեղ գտնվում է խորհրդարանը, փակ է։

Օրենսդիր շենքում և հարակից տարածքում հերթապահություն են իրականացնում ոստիկանության ուժեղացված պարեկները։ Հանրահավաքի վայրում իրավիճակը հանգիստ է: