«Մանչեսթեր Սիթիի» բելգիացի կիսապաշտպան Կևին դե Բրույնեն կլքի «քաղաքայինների» ճամբարը։ Այս մասին անձամբ ֆուտբոլիստը հայտնել է իր Instagram-ի իր էջում հրապարակած գրառման միջոցով։

33-ամյա խաղացողը խոստովանել է, որ իր համար շատ դժվար է այս մասին խոսել, սակայն եկել է հեռանալու պահը։ Դե Բրույնեն ընդգծել է, որ իր երկրպագուները պետք է առաջինները լինեն, ովքեր կիմանան այս լուրի մասին։

Բացի այդ, բելգիացին շնորհակալություն է հայտնել բոլորին «Մանչեսթեր Սիթիում» անցկացրած տարիների համար։ Կիսապաշտպանը թիմի կազմում հանդես է գալիս 2015 թվականից։

Ավելի վաղ տեղեկություններ էին տարածվել, որ Դե Բրույնեն բանակցություններ է վարում Սաուդյան Արաբիայի ակումբներից մեկի հետ։