Մեծ Բրիտանիայի թագավոր Չառլզ Երրորդը գազար է նվագել Լոնդոնի բանջարեղենային նվագախմբի (London Vegetable Orchestra) անդամների հետ, որոնց հյուրաընկալել էր Վինձորի դղյակում, հայտնում է Daily Mail-ը:

Նվագախումբը հայտնի է նրանով, որ ավանդական երաժշտական գործիքների փոխարեն օգտագործում է բանջարեղեն: Միապետը որոշել է անմասն չմնալ և փորձել անսովոր գործիք նվագել։ Նա ընտրել է գազարը: Թագավորին նվագակցել են մյուս երաժիշտները՝ օգտագործելով դդում, կարտոֆիլ:

Ներկաները գնահատել են ելույթն ու ծափահարել: