«Բարսելոնան» բոլոր մրցաշարերում 21 խաղ անընդմեջ անպարտելի է ու կարող է ակումբային ռեկորդ գրանցել, գրում է AS-ը:
Ֆլիկի գլխավորած թիմն անընդմեջ անպարտելի խաղերի ցուցանիշով զիջում է միայն 4 մարզիչների թիմերի:
Ֆրանկ Ռայկարդի «Բարսելոնան» 2005/06 մրցաշրջանում 24 անընդմեջ անպարտելի խաղ է անցկացրել, Պեպ Գվարդիոլայի գլխավորած թիմը՝ 2010/11 մրցաշրջանում 28 անընդմեջ անպարտելի հանդիպում, 2-րդ տեղում Էռնեստո Վալվերդեի «Բարսելոնան» է, որի անպարտելիության ցուցանիշը 29 է, իսկ ակումբային ռեկորդը պատկանում է Լուիս Էնրիկեի «Բարսելոնային», որը 2015/16 մրցաշրջանում չի պարտվել 39 անընդմեջ խաղերում:
«Բարսելոնան» գլխավորում է Լա լիգայի մրցաշարային աղյուսակը։ Թիմը նաև դուրս է եկել Իսպանիայի գավաթի եզրափակիչ և Չեմպիոնների լիգայի քառորդ եզրափակիչ: