ԱԺ ՔՊ պատգամավոր Բաբկեն Թունյանը ֆեյսբուքյան էջում գրել է․

«Չգիտեմ ով ինչպես, բայց ես անկեղծ ոգևորությամբ սպասում եմ Գյումրիում ռուսական կապիտալով նոր գործարաններ բացվելուն:

Եթե ճիշտ եմ հիշում, նախընտրական ելույթներից մեկում Վարդան Ղուկասյանը հայտարարում էր, որ ռուսների հետ պայմանավորվել է, և իր ընտրվելու դեպքում Գյումրիում գործարաններ են հիմնելու:

Ավելին ասեմ, որպես ԱԺ տնտեսական հարցերի մշտական հանձնաժողովի փոխնախագահ՝ պատրաստ եմ ուժերիս ներածին չափով և հնարավորություններիս շրջանակում աջակցել պոտենցիալ ներդրողներին:

Հ.Գ. - Նաև զուտ մասնագիտական տեսանկյունից հետաքրքիր է՝ Կոմունիստական կուսակցության մոտեցումները որքանո՞վ կկիրառվեն և արդյունավետ կլինեն գործարանաշինության, և ընդհանրապես՝ Գյումրու քաղաքային կառավարման գործընթացում»: