Վերջին շրջանում տարբեր քաղաքական շրջանակներ առաջարկում են վերսկսել փողոցային պայքարը՝ պահանջելով գործող իշխանության հրաժարականը։ Եվ չնայած մի քանի անհաջող հանրահավաքների, այս անգամ վստահեցնում են, որ կհասնեն իրենց նպատակին և կհեռացնեն ՀՀ վարչապետ Նիկոլ Փաշինյանին։ ՀՅԴ-ական Արցախի ԿԿ ներկայացուցիչ Արա Պուլուզյանն էլ երեկ Ազատության հրապարակում լրագրողներին հետ զրույցում ասաց, որ համախմբման պրոցեսը ոչ մի տեսակի պայքար չի բացառում: «Փողոցային պայքարները, իհարկե, իրենց տեղն ունեն, որպես ճշման միջոց, բայց հիմնականում նաև պիտի լինեն խորհրդակցություններ, բանակցություններ, հարցի դրական լուծման համար դրանք անհրաժեշտ են։ Shabat.news-ը անցորդներին հարց է ուղղել՝ եթե ընդդիմությունը նորից սկսի փողոցային պայքար, կմիանա՞ն, թե՞ ոչ։ Հարցվածների մեծամասնությունն ասաց, որ չեն միանա ընդդիմությանը, քանի որ այլևս չեն վստահում նրանց և իրենց խաբված չեն ուզում զգալ։ Մի քանիսն էլ ասացին, որ կմիանան, սակայն, պետք է լինի հայրենանվեր առաջնորդ և ունենա կոնկրետ ծրագիր՝ հայրենքի կորցրածը վերադարձնելու հետ կապված։ Մանրամասները՝ տեսանյութում։