Ապրիլի 16-ին Հայաստանում մեկնարկել է «Տարվա ուսուցիչ 2026» համապետական մրցույթը, որն իրականացվում է «Կորիզ» կրթական ծրագրի և «Դասավանդի՛ր հանուն Հայաստանի» (Teach For Armenia) հիմնադրամի համագործակցությամբ։ Մրցույթը կանցկացվի երկու առցանց փուլով՝ Teacher.koreez.am հարթակում, իսկ լավագույն արդյունքներ գրանցած մասնակիցները կհրավիրվեն եզրափակիչ մրցանակաբաշխությանը։ Մասնակցել կարող են տարբեր առարկաներ դասավանդող ուսուցիչներ Հայաստանի բոլոր մարզերից, գրանցման վերջնաժամկետը հունիսի 19-ն է։ Նախաձեռնության նպատակն է բարձրացնել ուսուցչի դերը՝ որպես կրթական փոփոխությունների առանցքային ուժ։