Ռուս դեսպանը՝ հայ-ռուսական հարաբերությունների նոր փուլերի մասին.

 

Հայաստանում Ռուսաստանի դեսպան Սերգեյ Կոպիրկինը հայտարարել է, որ Մոսկվայի և Երևանի հարաբերությունները դառնում են ավելի հասուն՝ չնայած առկա տարաձայնություններին։ Sputnik Արմենիայի «Աբովյան Time» հաղորդաշարի եթերում դեսպանը նշեց, որ երկու երկրների հարաբերությունները զարգանում են փոփոխվող աշխարհաքաղաքական պայմաններում և ձեռք են բերում նոր ձևեր։

Կոպիրկինի խոսքով՝ հարաբերությունները պետք է կառուցվեն փոխադարձ շարժման վրա․ «Տանգոյի համար երկուսն են անհրաժեշտ», – ասել է նա։ Դեսպանը նաև ընդգծել է, որ հայ-ռուսական կապերը չեն սահմանափակվում միայն տնտեսական ոլորտով․ դրանք առաջին հերթին ժողովուրդների միջև են, և մարդասիրական օրակարգն ունի առանցքային նշանակություն։