Արշակ Սրբազանը հայտարարություն է տարածել՝ արձագանքելով համացանցում շրջանառվող անպատշաճ բովանդակությամբ տեսանյութերին և իր հասցեին հնչող մեղադրանքներին։ Նա դրանք որակել է որպես զրպարտություն՝ նշելով, որ դրանք փորձ են վարկաբեկելու ինչպես իրեն, այնպես էլ եկեղեցուն։

Սրբազանի խոսքով՝ իշխող ուժի քարոզչամեքենան զբաղված է խեղկատակություններով՝ փոխարենը զբաղվելու երկրի առջև ծառացած իրական խնդիրներով։ Նա ընդգծել է, որ չի պատրաստվում հերքել հորինվածքները և դրանք պարզապես արհամարհում է։

«Շահագրգիռ անձանց հրապարակավ հղում եմ իմ արհամարանքն ու քմծիծաղը», — նշել է Արշակ Սրբազանը՝ հավելելով, որ եկեղեցուն վարկաբեկելու փորձերը որևէ արդյունք չեն ունենա։