Քրեական ոստիկանության Երևան քաղաքի վարչության Թմրամիջոցների ապօրինի շրջանառության դեմ պայքարի բաժնի ծառայողները հոկտեմբերի 27-ին Չեխովի փողոցում հայտնաբերել և ձերբակալել են Արարատի մարզի Հայանիստ գյուղի 58-ամյա մի բնակչի։

Տղամարդը հոկտեմբերի 8-ից Համայնքային ոստիկանության Չարենցավանի բաժնի կողմից հետախուզվում էր՝ առանց իրացնելու նպատակի թմրամիջոցների և հոգեմետ նյութերի ապօրինի շրջանառության մեղադրանքով։ Նրա նկատմամբ որպես խափանման միջոց ընտրվել էր կալանքը։

Ձերբակալվածը ներկայացվել է Համայնքային ոստիկանության Չարենցավանի բաժին։