ԱԺ նախկին պատգամավոր Արման Բաբաջանյանը մեղադրյալի աթոռին է հայտնվել՝ հրաժարվելու պատճառով կատարել դատարանի օրինական ուժի մեջ մտած վճիռները։

Ինչպես հաղորդում է Փաստինֆոն, Բաբաջանյանը նախկինում դատարանում պարտվել էր ՀՅԴ-ին՝ անվանելով կուսակցությունը «ահաբեկչական անցյալով հայտնի ուժ, որը հիմա որոշել է պարիտզանական մարտեր մղել պետության դեմ»։ Դատարանի վճռով նա պարտավորվել էր հերքել և ներողություն խնդրել ՀՅԴ-ից, սակայն ավելի քան երեք տարի վճիռը չի կատարել։

Ավելին, Բաբաջանյանը հրաժարվել է կատարել նաև Խոսրով Հարությունյանի գործով դատարանի վճիռը, որը նույնպես պահանջում էր հերքել զրպարտությունը և փոխհատուցում վճարել։

Նրան ներկայացվել է մեղադրանք ՀՀ քրեական օրենսգրքի 507-րդ հոդվածի 1-ին մասի հատկանիշներով, սակայն խափանման միջոց դեռ չի ընտրվել։ Գործը մակագրվել է Երևանի ընդհանուր իրավասության քրեական դատարանի դատավոր Մարտին Արզումանյանին։