Բագրատ Սրբազանը կալանավայրից նոր ուղերձ է հղել՝ անդրադառնալով իր դեմ հարուցված գործին և քննության ընթացքին։

Նա կրկին պնդել է, որ Քննչական կոմիտեի ղեկավարը «զեղծարար և ստախոս» է, ընդգծելով, որ եթե մինչև նոյեմբերի 13-ը նա չփաստի, թե գործում առկա է իբր իր ձեռագրով գրված «ահաբեկչության պլանավորում» ծրագիր, ապա պետք է պաշտոնազրկվի, կոչումնազրկվի և ենթարկվի քրեական պատասխանատվության՝ «զրպարտության և կեղծիքի քարոզչության համար»։

«Այս օրերին, երբ մեր ներաշխարհը փոթորկված է Արցախ Հայրենիքի կորստյան և հազարավոր զոհերի ողբերգությամբ, մեր անձնական նեղությունները ոչինչ են։ Բայց ես պնդում եմ՝ Ճշմարտության հաղթանակն այլընտրանք չունի»,– գրել է Սրբազանը։