Իմ կարծիքն այն է, որ դա կազմակերպված էր․ լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով երեկվա միջադեպին։

«Գիտեմ՝ ում կողմից, որտեղից է ուղղորդված»,- ասաց նա։

 

Երեկ միջադեպ էր տեղի ունեցել ԱԺ նախագահ Ալեն Սիմոնյանի և քաղաքացիների միջև։ Սիմոնյանի՝ ԱԺ ժամանելու պահին նրան են մոտեցել քաղաքացիներն ու առաջարկել զրուցել, ինչին ի պատասխան՝ Սիմոնյանն ասել է․ «Ոչ, զրուցելու ժամանակ չունեմ, քո հետ զրուցելու չկա, դու արժանի չես»։

Սիմոնյանի նման պատասխանից հետո քաղաքացին հարցրել է՝ ինչո՞ւ եք այդպես վարվում ժողովրդի հետ։

 

Երկխոսությունը վերածվել է փոխադարձ հայհոյանքների, Ալեն Սիմոնյանը վիրավորել ու հայհոյել է քաղաքացուն ու հրահանգել՝ «հավաքել» նրանց ԱԺ-ի մոտից։

ԱԺ խոսնակի թիկնապահները հրել են քաղաքացիներին ու հեռացրել տարածքից, իսկ ոստիկանները բերման են ենթարկել նրանցից մեկին։ Բերման ենթարկվածը «Համահայկական ճակատ» կուսակցության ղեկավար Արսեն Վարդանյանն է։