Վրաստանի նախկին (հինգերորդ) նախագահ Սալոմե Զուրաբիշվիլին արժանացել է Մարկ Պալմերի անվան միջազգային ժողովրդավարության մրցանակին։ Ըստ Freedom House իրավապաշտպան կազմակերպության տարածած պաշտոնական հայտարարության՝ մրցանակը շնորհվել է Զուրաբիշվիլիին՝ Վրաստանի ժողովրդավարական զարգացման և եվրոպական ապագայի պաշտպանության գործում ցուցաբերած սկզբունքային առաջնորդության համար։ Մարկ Պալմերի մրցանակը տրվում է այն պետական պաշտոնյաներին և դիվանագետներին, ովքեր բացառիկ ջանքեր են գործադրում ազատությունների և ժողովրդավարական անցումների պաշտպանության ոլորտում։