Ամերիկացի լուսանկարիչ Միթչ Դոբրովներն իր անբաժան «ընկերոջ»՝ ֆոտոխցիկի հետ ճանապարհորդում է Միացյալ Նահանգներով ու ֆիքսում հողմերի, փոթորիկների և բնության այլ տարերքների թեմայով տպավորիչ կադրեր:

Ինչպես նշում է thisiscolossal.com կայքը, լուսանկարիչը հիմնականում ճամփորդում է Օքլահոմա, Կանզաս և Հյուսիսային Դակոտա նահանգներով, որտեղ հողմերը, փոթորիկներն ու տորնադոները սովորական երևույթ են:

Աղբյուրը նկատում է, որ հեղինակի սև ու սպիտակ աշխատանքներում ներկայացված է ցասման մեջ գտնվող բնության «հմայքը»: Դրանց նայելով հասկանում ես, որ իրականում գեղեցիկը կարելի է տեսնել նույնիսկ «ամենասարսափազդու» երևույթներում: