Բրիտանացի լուսանկարիչ Ուիլյամ Սթիլը Բոթսվանայի ազգային պարկերից մեկում ուշագրավ ֆոտոշարք է իրականացրել, որի ժամանակ մեկ կադրում է համատեղել առաջին հայացքից անհամատեղելի թվացող երկու արարածների:

Ինչպես նշում է The Daily Mail-ը, լուսանկարչի ամենատես աչքից չի վրիպել գեղեցկուհի թիթեռի ու գիշատչի՝ էգ առյուծի պատահական «հանդիպումը»:

Ստորև ներկայացված լուսանկարներում երևում է, թե ինչպես է նախշազարդ թիթեռն անվախ ճախրում առյուծի քթի տակ, իսկ վերջինս էլ հետաքրքրությամբ լի ու անվրդով հետևում է թիթեռի «սեթևեթանքին»:

Դիտելով յուրօրինակ լուսանկարները՝ տպավորություն է ստեղծվում, որ անգամ ահեղ գիշատիչն է ունակ զմայլվելու իրական գեղեցկությամբ: