«Մանչեսթեր Սիթիի» նորվեգացի հարձակվող Էրլինգ Հալանդը սոցցանցերի իր էջերում լուսանկար է հրապարակել, որտեղ պատկերված է հենակներով և պաշտպանիչ կոշիկով։

Հարձակվողը մակագրել է հրապարակումը «Տերմինատոր» գեղարվեստական ​​ֆիլմի հայտնի արտահայտությամբ՝ I’ll be back (ես կվերադառնամ)։

Հիշեցնենք, որ Հալանդը վնասվածք էր ստացել Անգլիայի գավաթի քառորդ եզրափակչի «Բորնմուտի» դեմ հանդիպմանը:

«Մանչեսթեր Սիթիի» գլխավոր մարզիչ Խոսեպ Գվարդիոլան ասել է, որ նորվեգացին բաց կթողնի 5-7 շաբաթ։