Նախորդ տարեվերջին մեծ հանրային քննարկման ու հրապարակումների պատճառ էր դարձել  աստղային զույգերից մեկի՝ երգիչ Անդրեի և Անի Օհանյանի բաժանությունը:

Տևական ժամանակ լռելուց հետո 2-ն էլ որոշ ժամանակ անց հաստատել էին լուրերը:

Անդրեի կինը՝ երգչուհի Անի Օհանյանն առաջին անգամ փակագծեր է բացել ու ինստագրամի իր էջում հայտնել մանրամասներ, որոնց մասին ավելի վաղ չի խոսել:

Մասնավորապես, նա նշել է, որ իրենց ընտանիքում եղել է բռնություն, ծեծ, Անդրեն քանիցս սպառնացել է, որ իրեն կզրկի երեխայից:

«Իմ ճանապարհը լի էր վախերով ու պայքարով։ Ես սիրում էի այն մարդուն, ով հմայեց ինձ: Բայց ջենթլմենի գեղեցիկ դիմակի հետևում սարսափելին էր թաքնված։

Սկզբում ամբողջ ժողովրդի աչքի առաջ ծնվեց հեքիաթը։ Դուք հավատացիք նրան այնպես ինչպես ես: Շուտով աշխարհը սկսեց փլւզվել: Իմ ամեն օրը սկսվում էր տագնապով ու անհանգստությունով՝

«Այսօր նա չար կլինի, թե բարի, նորից կվիրավորի, կհարվածի, թե կրկին սպառնալու է, որ կզրկի երեխայից»:

Ես կարծում էի, որ կարող եմ փրկել ընտանիքը և փոխել նրան դեպի լավը, սակայն նրա ագրեսիան միայն աճում էր ։ Նա չէր գիտակցում, թե որքան ցավ է պատճառում ինձ:

Ես զգում էի, որ հոգիս դանդաղորեն քանդվում է, բայց շարունակում էի հուսալ, որ նա կհասկանա և կփոխվի: Ես հասկացա, որ սերը չպետք է տառապանք բերի: «Կներես» բառը ելք չէ ։ Դա անընդհատ կրկնվում էր: Այսօր ես համարձակվում եմ խոսել:

Այս ամբողջ ընթացքում ես ստիպված էի ժպտալ տեսախցիկների և մարդկանց առջև՝ցուցադրել «երջանկություն»այն ժամանակ ,երբ ոչ ոք չգիտեր , թե ինչ է կատարվում փակ դռների հետևում:

Այս գրառումը ոչ միայն աղաղակ հոգու, դա կոչ է բոլոր կանանց, ովքեր տառապում են ինձ նման։Աղջիկներ, կանայք ,մայրեր Դուք արժանի եք սիրո, որը բերում է լույս և ոչ թե խավար»,- «Ինստագրամ»-ի իր էջում գրել է Անին: