Թուրքիայի հարավում գտնվող Դենիզլի նահանգում միջքաղաքային ավտոբուսի մասնակցությամբ տեղի ունեցած խոշոր ճանապարհատրանսպորտային պատահարի հետևանքով զոհվածների թիվը հասել է 8-ի։ Ինչպես հաղորդում է «TGRT Haber» հեռուստաալիքը, վերջին տվյալներով տարբեր աստիճանի մարմնական վնասվածքներ է ստացել ևս 33 մարդ։ Տեղական իշխանությունների փոխանցմամբ՝ ողբերգական պատահարի զոհերի թվում են ինն ամսական երեխա, ինչպես նաև Ղրղզստանի մի քաղաքացի։ Դեպքի վայրում շարունակում են աշխատել փրկարարներն ու իրավապահները՝ վթարի բոլոր հանգամանքները պարզելու համար։