ՏԱՍՍ լրատվական գործակալությունը, հղում անելով Լատվիայի պաշտպանության նախարարությանը, հայտնում է, որ Լատվիայում ընթանում են «Բալթյան Զենիթ 2026» հակաօդային պաշտպանության միջազգային զորավարժությունները: Հունիսի 1-ից 10-ը նախատեսված այս ռազմական խաղերին մասնակցում են Լատվիայի, Լիտվայի, Էստոնիայի, Կանադայի և Շվեդիայի ՀՕՊ ստորաբաժանումները: Բալթիկ ծովի ափամերձ գոտում՝ Յուրմալցիեմսի ռազմական ավիացիոն հրաձգարանում, մասնակիցներն իրականացնում են ցերեկային և գիշերային մարտական կրակային վարժանքներ՝ ուղղված օդային թիրախների և անօդաչու թռչող սարքերի ոչնչացմանը: