Հայաստանի ազգային հավաքականի կիսապաշտպան և «Կրասնոդարի» ավագ Էդուարդ Սպերցյանը Ռուսաստանի Պրեմիեր լիգայի 2025/2026թթ․ մրցաշրջանի արդյունքներով ճանաչվել է լավագույնը՝ հարվածային դիրք ստեղծող առանցքային փոխանցումների քանակով։ Ըստ РУСТАТ տելեգրամյան ալիքի հրապարակած վիճակագրության՝ «սև-կանաչների» առաջատարի հաշվին գրանցվել է 65 նմանատիպ փոխանցում։ Այս ցուցանիշով հայ ֆուտբոլիստը գերազանցել է իր ամենամոտ հետապնդողին՝ Մոսկվայի «Լոկոմոտիվի» տաղանդավոր կիսապաշտպան Ալեքսեյ Բատրակովին (62 փոխանցում)՝ ամրապնդելով լիգայի ամենաստեղծագործ կիսապաշտպաններից մեկի իր կարգավիճակը։