Ռուսաստանի օդաչուի կորուստը Սիրիայի սահմանին մեծ կասկածի  տակ է դնում ռուս-թուրքական տնտեսաառևտրային հարաբերությունները: Թուրքիայի օդային ուժերի կողմից ռուսաստանի ինքնաթիռի կործանումը նախագահ Վլադիմիր Պուտինը «մեջքից հարված» է անվանել:

Այս դեպքը կարող է խաչ քաշել բոլոր երկու կողմերի առևտրային և տնտեսական հարաբերությունների և դրանք զարգացման վրա:

Վտանգված է 30 միլիարդ դոլար արժողությամբ երկկողմանի առևտուրը, ինչպես նաև ավելի քան 2 միլիարդ դոլար երկկողմանի կուտակված ներդրումները:

Հայտնի է, որ Թուրքիան Ռուսաստանի թվով հինգերորդ առևտրային գործընկերն է՝ արտաքին աշխարհի հետ ռուսաստանի առևտրի 4,6% մասնաբաժին : Նրանից առաջ են գտնվում՝ Չինաստանը, Գերմանիան, Նիդերլանդներն ու Իտալիան: