Հալեպում՝ թուրք-սիրիական սահմանի մոտ, ոչնչացվել է մարդասիրական օգնություն փոխադրող ավտոշարասյուն։ Այս մասին հայտնում է Hurriyet-ը։
Հաղորդվում է, որ հարվածը հասցվել է օդից, անհայտ ինքնաթիռների կողմից։
Anadolu գործակալության հաղորդմամբ՝ հարձակման հետևանքով զոհվել է 7 մարդ, վիրավորվել 10-ը, վառվել է 20 բեռնատար մեքենա։
Սիրիացի դաշտային հրամանատարներից մեկի խոսքով՝ հարձակումն իրականացվել է ռուսական մարտական ինքնաթիռների կողմից։
Հարձակման մեջ ռուսական ինքնաթիռների մասնակցության մասին է հայտնել նաև թուրքական իրավապաշտպան Humanitarian Relief Foundation (IHH) կազմակերությունը։