Դիարբեքիրում սպանել են մարդու իրավունքների պաշտպանությամբ զբաղվողպրոքրդական դիրքորոշմամբ հայտնի փաստաբան Թաիր Էլչիին։ Այս մասին հայտնում է lifenews.ru–ն։

Անհայտ անձինք փաստաբանի վրա կրակ են բացել, երբ նա մոտենալիս է եղել լրագրողներին՝ ճեպազրույց տալու։

Ստացված հրազենային վիրավորումներից Էլչին հիվանդանոցում մահացել է։

Հայտնի է, որ Էլչին Թուրքիայի նախագահՌեջեփ Թայիփ Էրդողանի ընդդիմախոսներից էր։ Նրան ձերբակալել էին հոկտեմբերի 20–ին՝ Թուրքիայում արգելված Քրդական բանվորական կուսակցությանը սատարելու կապակցությամբ։ Էլչին, մասնավորապես հայտարարել էր, որ այդ կուսակցությունն ահաբեկչական չէ։ Նրան ձերբակալելուց հետո Քրդական բանվորական կուսակցության կողմնակիցները ցույց էին արել՝ պահանջելով ազատ արձակել Թաիր Էլչիին։