Կենտրոնական Աֆրիկայի Հանրապետության մայրաքաղաք Բանգիում մատուցած պատարագի ժամանակ Հռոմի պապ Ֆրանցիսը պայքարող խմբակցություններին կոչ է արել վայր դնել զենքերը:

Փոխարենը, Հռոմի պապն ասել է, որ նրանք պետք է իրենք իրենց զինեն «արդարությամբ, սիրով, կարեկցությամբ և իսկական խաղաղությամբ»:

ԿԱՀ-ում պայքար է մղվում մուսուլման ապստամբների և քրիստոնյա զինյալների միջև: Սա Հռոմի պապի առաջին այցն է հակամարտության գոտի:

Նախագահի պաշտոնակատար Քեթրին Սամբա-Պանզան «ներողություն» է խնդրել նրանից` երկրում վերջերս տեղի ունեցող կրոնական բռնության համար:

Փախստականների ճամբարում Հռոմի պապին երգելով են դիմավորել:Նա ասել է, որ իր հետ խաղաղության ու հույսի ուղերձ է բերել երկիր:

Հռոմի պապը հանդիպում է ունենալու մուսուլմանների առաջնորդի հետ և այցելելու է քաղաքի մահմեդական անկլավում գտնվող մզկիթ, իսկ այցը եզրափակելու է պատարագով: