Գյումրու համայնքապետարանը տեղեկացնումէ, որ նորընտիր ավագանու առաջին նիստը տեղի է ունենալու 2025 թվականի ապրիլի 16-ին՝ ժամը 10:00-ին:

Նիսկը կկայանա Գյումրու համայնքապետարանի վարչական շենքի ավագանու նիստերի դահլիճում:

Հիշեցնենք՝ Գյումրու ՏԻՄ ընտրությունների արդյունքներով որևէ քաղաքական ուժի չի հաջողվել հավաքել 50+1 տոկոս անհրաժեշտ քվեները, և առանց դաշինքներ ու կոալիցիաներ կազմելու հնարավոր չէր լինելու ստանձնել քաղաքի կառավարումը:

Արդյունքների ամփոփումից հետո «Մայր Հայաստան» դաշինքը հայտարարել է, որ պատրաստ է իր ձայնը տալ առավելագույն քվեներ ստացած ընդդիմադիր ուժին՝ Վարդան Ղուկասյանին: 

«Իմ հզոր համայնք»՝ կուսակցության Գյումրի համայնքի ավագանու ցուցակի քաղաքապետի թեկնածու Ռուբեն Մխիթարյանն էլ իր հերթին է հայտարարել, որ պատրաստ է ավագանու կազմով քվեարկել Վարդան Ղուկասյանի օգտին։

Մարտուն Գրիգորյանը ևս պաշտոնապես հայտնել է, որ որոշում է կայացրել և անհրաժեշտ քանակությամբ քվե կտա Վարդան Ղուկասյանին, որպեսզի նա ընտրվի Գյումրու քաղաքապետ։