Մոսկվայի Բուտիրսկի դատարանում դատախազը խնդրել է, որ 2018 թվականին սպանված Միխայիլ Խաչատուրյանը մեղավոր ճանաչվի իր դուստրերի նկատմամբ բռնություն գործադրելու համար։ ՌԲԿ-ին ասել է փաստաբան Ալեքսեյ Պարշինը, ով ներկայացնում է տուժողներից մեկի շահերը։
ՌԲԿ-ն հարցում է ուղարկել Բուտիրսկի դատարան։
2020 թվականին Խաչատուրյան քույրերի հոր հարազատները համաձայնել էին, որպեսզի նրա դեմ գործ հարուցվի։ Բուտիրսկի դատարանը դա գրանցել է 2023 թվականի գարնանը։ Տղամարդուն հետմահու մեղադրանք է առաջադրվել երեք կետով՝ սեռական բնույթի ոտնձգություններ, ծանր մարմնական վնասվածքներ պատճառել և պոռնոգրաֆիկ նյութերի ապօրինի շրջանառություն և պատրաստում։
Խաչատուրյան քույրերը ձերբակալվել են 2018 թվականին այն բանից հետո, երբ նրանց մոսկովյան բնակարանում հայտնաբերվել էր հոր դին։
Ըստ քննիչների, երեք դուստրը դանակով և մուրճով հարձակվել են Խաչատուրյանի վրա և սպանել նրան։ Աղջիկների նկատմամբ քրեական գործ է հարուցվել։
Նրանք կալանավորել էին, իսկ ավելի ուշ խափանման միջոցը փոխարինվել էր որոշակի գործողությունների արգելքով։ Աղջիկների պաշտպանական կողմի համաձայն, հայրը մի քանի տարի շարունակ հետապնդել և բռնաբարել է իր դուստրերին, ուստի նրանց արարքը պետք է համարել ինքնապաշտպանություն։
2024 թվականի դեկտեմբերին աղջիկներից մեկի փաստաբանն ասել էր, որ Խաչատուրյանի դատավարությունը կավարտվի 2025 թվականին։ Խաչատուրյան քույրերի փաստաբանները հայտնել են, որ իրենց պաշտպանյալները գործով պաշտոնապես տուժող են ճանաչվել։ Եթե նրանց հայրը մեղավոր ճանաչվի, ապա դա ապացույց կլինի, որ քույրերը եղել են ինքնապաշտպանության վիճակում։
37.jpg&w=180)
60.jpg&w=180)
258.jpg&w=380)
337.jpg&w=180)
1445.jpg&w=180)
289.jpg&w=180)
868.jpg&w=180)