Asekose.am-ի CV հաղորդման հյուրն օլիմպիական խաղերի արծաթե մեդալակիր, աշխարհի ու Եվրոպայի չեմպիոն, հունահռոմեական ըմբիշ Արսեն Ջուլֆալակյանն է, ով Լաս Վեգասում վերջերս կայացած աշխարհի առաջնությունից վերադարձավ առանց մեդալի: Նրա խոստովանությամբ’ պարտվելը բարդ է, առավել ևս, երբ տարիների ընթացքում դա հաճախ տեղի չի ունենում: Միաժամանակ’ Արսենն իր ձախողումների համար որևէ մեկին չի մեղադրում, նույնիսկ այն մրցավարներին, որոնց պատճառով, երբեմն թվում է, թե տարիների կատարած աշխատանքը ջուրն է ընկնում: Չնայած այս ամենին’ Արսենը վստահեցնում է, որ ինքը չի հանձնվելու և շարունակելու է պայքարել’ լավագույնի տիտղոսը ևս մեկ անգամ հաստատելու համար: